Во текот на вчерашната богата програма во шпанската Ла Лига ги видовме драматичните победи на Реал Мадрид и Барселона, но и апсолутниот гол на годината во првенството.
Фудбалерот на Осасуна, Хесус Аресо, е автор на тотално неверојатен гол од невозможен агол, а уште повпечатливо е кога ќе се земе предвид дека голот значеше и победа за домаќините на „Ел Садар“.
Осасуна победи со 3:2 против Хетафе, а голот на Аресо значеше победа. Погоди од неверојатен агол во 80-тата минута, а до крајот Хетафе немаше одговор и натпреварот заврши со победа на домаќините.
Аресо беше кај корнер знаменце и под притисок на противнички дефанзивец. Кога се чинеше дека ќе ја загуби топката и нема решение, Аресо испрати моќен, најверојатно центаршут, но од невозможен агол ја заби топката во мрежата со помош на подалечната статива.
Поневеројатен гол во Ла Лига тешко дека ќе видиме до крајот на сезоната, а ниту наградата Пушкаш не би била изненадување.
Ареси кај корнер знаменцето се обидува да се избори за корнер, но наместо корнер, ја закова топката од невозможен агол“, беше коментарот на официјалниот шпански коментатор на натпреварот.
