Постои можност електричните автомобили произведени во Кина да доминираат на глобалниот пазар. Од Forbes сметаат дека тоа ќе се случи наскоро.
Во една од најсилните економии во светот во 2019 година имало 2,58 милиони електрични автомобили, во Европа 970.000 и 880.000 во САД, наведува Меѓународната агенција за енергија.
Кина има најголем број станици за полнење на батериите на електричните автомобили во однос на остатокот од планетата, а тој број постојано се зголемува.
Во оваа земја се произведуваат електрични автомобили со врвен квалитет и тие станаа многу конкурентни на пазарот, што може да се потврди од примерот на моделот Xpeng P7 кој наликува на Model 3 на Tesla.
Моделот P7 од 0 до 100 километри на час забрзува за само 4,7 секунди. Овој модел се продава по цена од 36.000 долари.
Пониска цена, сè подобар квалитет и атрактивен дизајн се само некои од предностите на кинеските електрични автомобили.
Постојат и други фактори кои ги прават да бидат конкурентни на пазарот, а еден од нив е тоа што Кина е најголемиот производител на литиум во светот. САД произведуваат само 2 отсто литиум во однос на остатокот од светот.
Forbes проценува дека сегашната политика на западните земји ја оневозможува доминацијата на кинеските електрични автомобили. Но прашање на време е кога ќе се промени ова.
