И покрај тоа што постигна гол против Еспањол во последното коло, Марко Асенсио сè уште е поблиску до заминување од останување во Реал Мадрид.
Шпанскиот напаѓач не добива повеќе минутажа од Карло Анчелоти и игра најмногу кога главните ѕвезди одмараат. Така беше и минатата сабота, кога Реал играше во комбиниран тим против Еспањол.
На шпанскиот напаѓач, кој може да се користи на сите офанзивни позиции, налето му истекува договорот со Реал. Тој сака да остане, но Реал не сака да му ја зголеми платата, пишува Mundo Deportivo. Ваквата понуда не му се допаѓа на 27-годишниот Асенсио и ќе се обиде да се избори за нешто подобро, било во Реал или во друг клуб.
Не недостига интерес
Клубот од Мадрид го нуди Асенсио на други европски клубови, за да го продаде и на тој начин да си обезбеди барем малку пари додека е под договор.
Како што пишува порталот 90min, Баерн, Јувентус, ПСЖ и Марсеј се клубовите на кои Реал му ги понудил, а за неговата ситуација се свесни и ривалите на Реал, Барселона и Атлетико, и англиските клубови Арсенал, Манчестер Сити и Челси.
Шпанецот отсекогаш имал репутација на голем потенцијал, но впечаток е дека тоа никогаш не го реализирал целосно. Не е прв избор на Анчелоти, тој игра додека другите напаѓачи одмараат или доаѓаат од клупата. Досега настапи на 31 натпревар и постигна седум гола со пет асистенции.
