Канцеларијата на генералниот обвинител и раководството на полициската дирекција на МУП на Кантон Тузла одржа итен состанок вчера, на кој се дискутираше за третманот на институциите во врска со пријавениот криминал на семејно насилство во случајот со Низама Хеќимовиќ, која беше убиена од Нермин Сулејмановиќ пред три дена и целиот хорор го пренесуваше во живо на Instagram.
Сулејмановиќ уби вкупно три лица, рани три, а потоа, откако со часови бегаше од полицијата, се самоуби.
Сега се утврдува кој од припадниците на полицијата му дојавил на Сулејмановиќ каде се наоѓа Хеќимовиќ, која се криела кај тетка ѝ, и каква улога во целиот случај имам Џенана Селимовиќ, вработена во полициската станица во Градачац.
Avaz неофицијално дознава дека тројниот убиец бил во врска со полицајката Селимовиќ, која се сомничи дека му дала информации од истрагата. Таа е исто така осомничена дека наводно му открила на убиецот каде се кријат Низама и нејзината ќерка.
На Селимовиќ, која во моментов е на одмор во Италија, сега ѝ се заканува суспензија и дисциплинска постапка затоа што била во врска со криминално лице. Се чека нејзиниот исказ.
Сулејмановиќ бил осудуван за разни престапи, меѓу другото, пред 15 години беше осуден за обид за убиство, што Селимовиќ го знаела.
„Тој има повеќе пресуди за насилно однесување и загрозување на безбедноста, бил пријавуван за семејно насилство, бил повеќекратно осудено лице“, рекоа од канцеларијата на обвинителството.