Бразилскиот фудбалер Дани Алвес денеска ќе ја дознае конечната пресуда - дали ќе остане во затвор до крајот на судењето или ќе биде пуштен на четиримесечна условна слобода.
Алвес се наоѓа во затворот Брајанс 2 во Барселона од 20 јануари кога ѝ се предаде на полицијата по обвинение за силување, а откако минатата недела судот го одби второто барање условно ослободување, тој се жалеше до Апелациониот суд во Барселона и денеска ќе ја слушне конечната одлука.
Да потсетиме, неговото барање да биде пуштен на условна слобода од четири месеци беше одбиено бидејќи е пребогат и може да побегне во Бразил, кој нема договор за екстрадиција со Шпанија. Тоа значи дека ако избега во Бразил, нема да оди во затвор дури и да биде осуден додека не влезе во Шпанија или во некоја од земјите што имаат договор за екстрадиција со Шпанија.
Во меѓувреме, на минатото рочиште Алвес по петти пат го сменил исказот откако девојка која била со него на 30 декември во ноќен клуб го обвини дека ја однел во тоалет, ја заклучил таму и сексуално ја нападнал.
Бразилецот прво рече дека воопшто не ја познава жртвата, потоа дека само разговарал со неа, а откако с епојавија снимки од надзорните камери што покажуваат како ја носи девојката во тоалет, рече дека девојката се согласила да оди со него во тоалет и дека не ја натерал на секс, туку само се допирале.
И оваа изјава ја преиначи кога призна дека дошло до пенетрација во инцидентот.
Сегаа има нова, најнебулозна изјава во врска со инцидентот за кој го тужи 23-годишната девојка.
„Јас всушност сакав да ја заштитам таа млада дама. Седев во тоалетот, а таа дојде до мене и се фрли кон мене. Не ја допрев. Лажев во претходните изјави за да ја заштитам“, рекол Алвес.
Да потсетиме, жртвата во сведочењето детално го опиша малтретирањето на Алвес и изјави дека бразилскиот фудбалер има тетоважа на полумесечина на интимниот дел од телото.