Давид Дејвис Камара, првиот помошник на тренерот на РК Вардар, Раул Гонзалес, по завршувањето на сезоната ќе го напушти клубот и ќе се врати во Шпанија.
Давид Дејвис во 2014 година стана помошник на Раул Гозалес и даде значаен придонес во градењето на тимот и резултатите кои ги постигнаа „црвено-црните“ во изминатите три години.
Дејвис еден дел од оваа сезона ја мина како прв тренер на женскиот ракометен тим на Вардар.
Наследник на Дејвис, според се уште непотврдени информации, ќе биде повторно Шпанец, Роберто Гарсија Парондо. Овој играч се споменува и како асистент на Раул Гонзалес во репрезентацијата на Македонија.
Интересно, Парондо сè уште е активен играч и тоа во унгарскиот Будакалаш.
