Манчестер Јунајтед моментално се наоѓа на шестото место на табелата во Премиер лигата со натпревар помалку и 21 бод помалку од водечкиот Манчестер Сити.
Првиот голман на тимот Давид де Хеа се чувствува како некој да го проколнал клубот. Шпанскиот чувар на мрежата долго време ја чекаше титулата со Јунајтед, а последната ја освои во сезоната 2016/17, кога клубот сѐ уште го водеше Жозе Мурињо и кога во клупската витрина пристигнаа трофеите за најдобар тим во ЕФЛ купот и Лига Европа.
Оттогаш, Де Хеа и Јунајтед чекаат нова прослава која не пристигнува ниту со нови менаџери, ниту со огромни влогови во нови играчи. И оваа година Јунајтед тешко ќе дојде до титулата и целта на тимот е сѐ повеќе и повеќе станува да избори пласман во Лигата на шампионите следната сезона.
„Мислам дека сме проколнати. Вистината е дека не знам што се случува. Луѓето ме прашуваат за тоа, разговараме меѓу себе и си велиме дека не знаеме што се случува. Требаше да се бориме за повеќе трофеи, поголеми титули, но едноставно не ми е јасно зошто овој тим не функционира“, рече Де Хеа.
