Нема само што нема да си замине, туку Бразилецот дури и веројанто ќе ја наследи десетката на заминатата легенда.
Откако со месеци безуспешно се обидуваше да најде купец за Филипе Кутињо, како што информираат шпанските медиуми, Барселона не само што се помирила со фактот дека Бразилецот ќе остане на „Камп Ноу“, туку дури и му го понудила дресот кој досега го носеше Лео Меси.
Оваа навидум неверојатна вест ја пренесоа двата од трите најреномирани шпански спортски весници, Marca и Mundo Deportivo.
За останувањето на Кутињо во тимот зелено светло дал тренерот Роналд Куман кому по заминувањето на Меси му е потребен играч од калибарот на бразилскиот креативец.
Кутињо ѝ се приклучи на Барселона во зимскиот преоден рок од сезоната 2017/18 кога дојде од Ливерпул како големо засилување за 135 милиони евра. Но, се мачеше да се вклопи, па сезоната 2019/20 ја мина на позајмица во Баерн каде се препороди и ја освои Лигата на шампионите. Доби втора шанса во Барса, почна добро, но потоа се повреди и повторно заринка.
Барса летово сакаше, но не успеа да дојде до услугите на Џорџињо Вајналдум, па со оглед на тоа што ѝ недостасуваат офанзивци од средината, Кутињо е логичен избор.
Но, десетката по 13 сезони на грбот на Меси едностано делува чудно да ја носи друг...
