Најдобриот фудбалер на светот Кристијано Роналдо постигна два гола и една асистенција за победа на Португалија против Летонија (3:0) во рамки на квалификациите за Светското првенство.
Она што ќе остане запаметено од овој натпревар во Рига нема да бидат головите, туку неговиот гест кон еден млад навивач.
Во почетокот на судското продолжение, едно младо момче истрча на теренот право кон неговиот идол, со желба да го прегрне и да направи селфи со него.
Иако Роналдо беше изненаден од „гостинот“ на центарот на теренот, тој фантастично изреагира, го прегрна момчето и уште еднаш покажа дека не само што е голем фудбалер, туку е и голем човек.
