Фотографирањето е забавно и за среќа, не мора да имате скап фотоапарат за да правите солидни фотки, што потоа би ги споделиле на социјалните мрежи како Instagram. Подолу прочитајте неколку совети за подобри фотки што сигурно ќе ви се најдат ако сакате да фоткате.
1. Фотографирајте за време на „златниот час“
„Златниот час“ се нарекува периодот пред изгрејсонце и пред зајдисонце. Во овој период во надворешна околина може да направите прекрасни фотографии, на кои нема да им треба никаков филтер.
2. Слабата природна светлина е секогаш најдобра за фотографирање
Фотките направени на суптилна природна светлина секогаш изгледаат најдобро. Иако може да ја осветлите фотката доколку е темна, сепак нема да го добиете истиот резултат, а пропратно ќе ги изгубите деталите и квалитетот на фотката. Запаметете да избегнувте силна сончева светлина на предметот што го фотографирате.
3. Наместо блиц од камерата, искористете посебен извор на светлина
Фотографирањето со блиц од смарфтон секогаш дава лоши резултати. Доколку ви треба светлина на она што го фотографирате, употребете посебен извор на светлина насочен кон предметот. На пример блиц од друг мобилен телефон доволно оддалечен или пак рачна светилка. Резултатот ќе биде по „уметнички“ и многу подобар отколку со класичен блиц.
4. Употребете го блицот за интересни ефекти
Oдличен начин за фотографирање на пијалак во ноќен клуб или бар или едноставно, било кое темно место, е со употреба на блиц од друг смартфон. Позиционирајте го телефонот под стаклената маса под пијалакот или пак ставете ја чашката директно на телефонот - резултатот ќе биде повеќе од задоволителен.
4. Симетријата е секогаш добра идеја
Човечкото око сака симетрија, затоа фотките на кои гледаме симетрија се секогаш добра идеја. Светот околку нас е исполнет со симентрични елементи, на вас останува да го одберете најинтересниот и да го документирате.
5. Одберете интересна позадина
Кога фотографирање на пример храна гледајте она што е во чинијата да не е слично како позадината, односно масата. Напротив, искористете шарено чаршавче или славетка за да додадете боја и живост на фотографијата.
6. Пробајте ги апликациите VSCO Cam, Lightroom, FaceTune и Prisma
VSCO Cam, Lightroom и FaceTune се одлични апликации за ретуширање и средување на фотките, а Prisma е забавна апликација која ги претвора вашите фотографии во вистинска уметност.
7. Центар на фокус
Уште едно визуелно задоволство за човековото око е фотка во која што објектот е во центар или има една фокусна точка.
8. Забавувајте се со кратки видеа
Пробајте го Boomerang или опциите за тајмлапс и slow mo видео, за кратки видеа од неколку секунди што се одлични да објавување на Instagram.
9. Погледнете нагоре
Можеби секојдневно се движите на речиси истите места и релации низ вашиот град, и најверојатно сметате дека нема ништо ново и интересно да фотографирате. Но ако погледнете нагоре. на овие секојдневни места ќе откриете несекојдневна перспектива што ќе резултира со исклучителни фотографии.
