Неверојатната фотографија од млада поларна мечка како спие на санта мраз му ја донесе на британскиот фотограф-аматер Ними Сарихан наградата Wildlife Photographer of the Year.
„Неверојатната и потресна фотографија на Сарихан ни овозможува да ја видиме убавината и кревкоста на нашата планета. Неговата фотографија предизвикува размислување и остар потсетник на интегралната врска помеѓу животното и неговото живеалиште и служи како визуелна претстава за штетните влијанија на глобалното затоплување и губењето на живеалиштата“, рече д-р Даглас Гур, директор на лондонскиот Природонаучен музеј.
Сарихан ја направил фотографијата на третиот ден од потрагата по поларните мечки во густата магла на норвешкиот архипелаг Свалбард. Љубителите на фотографии од дивиот свет и природата од целиот свет гласаа и ја избраа оваа фотографија како најдобра од 25-те пријавени. Четири други финалисти добија високи пофалби.
Израелецот Цахи Финкелштајн фотографирал птици кога видел желка во плитка вода на чиј нос во еден момент слетало вилинско коњче.
Романецот Даниел Денческу поминувал часови следејќи ги ѕвездите низ Рим и неговите предградија. Во еден зимски ден без облаци, тој фотографирал јато кое формирало облик на огромна птица.
Англичанецот Марк Бојд фотографирал две лавици како чистат младенче по враќањето од лов.
Фотографијата на поларната светлина и медузата во студените води на фјорд во близина на Трумсе во северниот дел на Норвешка е потпишана од Норвежанецот Аудун Рикардсен, кој користел сопствен систем на прилагодување на фокусот и блендата при една експозиција.
Петте фотографии ќе бидат изложени на интернет, како и во Природонаучниот музеј во Лондон до 30 јуни.
