Вакцината на американската фармацевтска куќа Pfizer, против сојот омикрон, ќе биде спремна во март.
„Компанијата веќе почна да произведува дози“, откри извршниот директор Алберт Бурла за CNBC.
Тој изјави дека новата верзија на вакцина ќе биде ефикасна и за останатите соеви на вирусот кои циркулираат низ светот.
Нагласи дека уште не е јасно дали ќе биде потребна вакцина против омикрон и како ќе биде користена, но Pfizer секако ќе има спремни резерви бидејќи, според него, постојат земји кои сакаат што поскоро да ги купат дозите.
Претходно, и извршниот директор на Moderna, Стефан Бансел изјави дека оваа компанија подготвува вакцина против омикрон.