По сѐ изгледа PlayStation 5 на пазарот сепак ќе се појави на крајот од оваа година бидејќи во сред пандемијата Sony сѐ уште нема донесено одлука за евентуално одложување. Напротив, веќе го претстави новиот DualSense контролор кој за кратко време собра доста добри реакции на социјалните мрежи и покажа дека компанијата ги има предвид предлозите на играчите.
Станува збор за од далеку приметливата разлика во дизајнот во однос на претходникот DualShock, а тоа е начелно добра работа бидејќи Sony јасно стави дознаење дека не пробува да измисли „топла вода“, туку оди по проверени патеки. Џојстикот делува помасивен и тоа е добра особина кога станува збор за удобноста која ја нуди како и управувањето. Од Sony сепак порачуваат дека контролорот е „помал отколку што изгледа“.
Променети се и оние hand triggerѕ, односно R1/2 и L1/2 копчињата и обликот на рачките, додека сијаличките се префрлени на горниот дел на контролорот. Копчето „Share“ сега го носи името „Create“, а Sony ветува дека управувањето ќе биде уште полесно. Истотака, контролорот доби сопствен микрофон, што значи дека нема повеќе да биде потребно да се користат слушалки, иако активните корисници и натаму препорачуваат употреба на headset.
Микрофонот би можел да има двојна улога со оглед на тоа што најавениот Tempest 3D би можел да помаѓа и при одредувањето на позицијата на играчот во просторијата со цел оптимизација на звукот.
Сепак, најважниот дел е секако префрлувањето на напредната хаптичка вибрација која најмногу може да се одрази на начинот на кој играме, а L2 и R2 копчињата можат динамички да се прилагодуваат за играчите да би имале што поприродно чувство во тек на играњето на одредени игри.
Останува отворено прашањето како пандемијата со коронавирусот ќе се одрази врз куповната моќ на љубителите на PlayStation.