Џон Вол призна дека дури двапати си ставал пиштол на глава и размислувал да си го одземе животот...
Џон Вол влезе во НБА како прв пик на драфтот во 2010 година, играше за Вашингтон Визардс, Хјустон Рокитс, Лос Анџелес Клиперс, пет пати учествуваше на Ол-стар натпреварот, а во кариерата заработи околу 276 милиони долари. Звучи како совршен живот, уживање во луксуз и сета магија на кошарката. Зад сето тоа се крие темна страна.
Американскиот плејмејкер пред камерите во подкастот „The OGs“ откри дека дури двапати се обидел да се самоубие... „Знам како е, менталното здравје е сериозна работа, морав после тоа да одам на терапија. Да не беше за моите два сина, ќе се убиев, двапати го ставив пиштолот на глава. Луѓето кои ми се блиски, моите пријатели, не знаеја. Имав едно видео каде се преправав дека сум гангстер, ги направив тие потези, тогаш бев во најтемниот момент“, раскажа Вол.
Ководителот Мајк Милер, инаку поранешен НБА играч, шокиран од неговите зборови побара од него повторно да го разјасни сето тоа. „Се обидов да најдам среќа. Двапати ставив пиштол на глава и потоа помислив. Ако се тргнам од планетата Земја, тогаш кој ќе ги воспитува моите деца? Ќе ги изневерам. Знам дека морам да бидам тука за нив“, додаде тој.
Последниот клуб во кој играше Вол беше Хјустон Рокитс откако беше трејдуван таму од Клиперс во февруари минатата година, но Рокитс го отпуштија по неколку дена, па не го запиша второто деби во Тексас. Оттогаш е без клуб, се споменуваше дека може да дојде во Евролигата, но тоа не се случи.
За 33-годишниот Вол има гласини дека може му се придружи на Мајами Хит.
