Лука Дончиќ одигра уште еден добар натпревар и го предводеше својот Далас до 46-тата победа сезонава.
Далас Маверикс ја пречекаа Јута Џез и славеа со резултат 114:110, најмногу благодарение на одличниот Дончиќ.
Словенецот го заврши натпреварот со дабл-дабл учинок од 32 поена, 10 скока и 5 асистенции, а голема помош имаше од Џејлен Брансон (дабл-дабл со 22 поена, 10 скока, 5 асистенции) и Реџи Булок (23 поени, 4 скокови).
Во гостинскиот табор Руди Геј постигна 18 поени и 8 скока.
Лос Анџелес Лејкерс го забележаа поразот број 43 сезонава, и покрај новата одлична партија на Леброн Џејмс.
Лејкерси загубија на гостувањето кај Њу Орлеанс со 116:108, а единствениот расположен за игра за тимот од Лос Анџелес беше Леброн кој постигна 39 поени со 9 скока и 5 асистенции, но и тоа не беше доволно за триумф.
На спротивната страна шест играчи постигнаа повеќе од 15 поени, а најефикасен беше Брендон Инграм со 26, додека Литванецот Јонас Валанчиунас постигна дабл-дабл со 19 поени и 12 скокови.
Резултати:
Детроит Пистонс - Њујорк Никс 102:104
Бостон Селтикс - Минесота Тимбервулвс 134:112
Феникс Санс - Филаделфија 76ерс 114:104
Вашингтон Визардс - Голден Стејт Вориорс 123:115
Њу Орлеанс Пеликанс - Лос Анџелес Лејкерс 116:108
Бруклин Нетс - Шарлот Хорнетс 110:119
Далас Маверикс - Јута Џез 114:110
Табела:
