Ноќеска во НБА се одиграа 10 натпревари од кои вреди да се издвојат победите на Далас, Милвоки и Торонто.
Далас Маверикс ја совлада Јута Џез со 103:100, а најзаслужен за победата беше, нормално, Лука Дончиќ. Словенецот натпреварот го заврши со дабл-дабл учинок од 31 поен, 5 скока и 11 асистенции, додека на спротивната страна најдобар беше Џордан Кларксон со 22 поена и 8 асистенции.
Милвоки Бакс го победи Детроит Пистонс со 116:91 со што овој клуб го повтори најдобриот старт во клупската историја, со 7 победи во исто толку натпревари. Јанис Адетокунбо постигна 32 поена, 12 скока и 4 асистенции.
Доколку задутре слават на гостувањето кај Минесота Тимбервулвс, Бакс ќе испишат нова клупска историја за најдобар старт во НБА.
Канадскиот тим од Торонто ги преслуша Спарс на гости во Сан Антонио победувајќи со неверојатни 43 поени разлика. Иако првата четвртина беше и тоа како израмнета завршувајќи 31:32 за гостите од Северот, потоа домашните како да застанаа, а Репторс само го полнеа кошот.
Камерунецот Паскал Сјакам запиша трипл-дабл со 22 поена, 10 скока и 11 асистенции, а најефикасен на паркетот бепше неговиот соиграч од Торонто, Гери Трент со 24 поени.
Резултати:
Кливленд Кавалирс - Бостон Селтикс 114:113 прод.
Мајами Хит - Сакраменто Кингс 110:107
Њујорк Никс - Атланта Хокс 99:112
Чикаго Булс - Шарлот Хорнетс 106:88
Хјустон Рокитс - Лос Анџелес Клиперс 101:109
Милвоки Бакс - Детроит Пистонс 116:91
Сан Антонио Спарс - Торонто Репторс 100:143
Далас Маверикс - Јута Џез 103:100
Портланд Треил Блејзерс - Мемфис Гризлис 106:111
Лос Анџелес Лејкерс - Њу Орлеанс Пеликанс 120:117 прод.
Табела:
