Дрвен предмет во облик на пенис, стар речиси 2.000 години, кој е пронајден на територијата на Велика Британија, според најновите истражувања, укажува дека се работи за секс играчка која најверојатно ја користеле Римјаните.
Предметот бил ископан во ров уште во 1992 година во близина на римската тврдина Виндоланда во близина на Ѕидот на Адријан, кој некогаш ја означувал северозападната граница на Римската империја во северна Англија.
Според студијата објавена во списанието Antiquity во неделата, истражувачите првично го класифицирале како алатка. Оваа погрешна идентификација е резултат на тоа што предметот бил пронајден покрај десетици чевли и модни додатоци и други мали алатки, велат тие во соопштението за медиумите.
Сепак, истражувачите го реинтерпретираа објектот како бестелесен пенис и преку внимателно испитување, укажаа на некои од неговите најверојатни можни функции. Изreзбаниот предмет долг 16 сантиметри можело да се користи како секс алатка, не нужно за пенетрација, но поверојатно за стимулација на клиторисот, напишале истражувачите.
„Тоа може да биде сексуален објект и ако е, тоа е првиот пример од римскиот свет. Ова не треба да нè чуди. Знаеме од римската уметност и римската литература дека користеле секс играчки, но сè уште не најдовме докази со археолошките истражувања“, изјави коавторот на студијата и предавач по археологија Роб Колинс за CNN.
Една од причините зошто ваквите предмети не се вообичаени во археолошките наоди е тоа што поверојатно е дека се направени од органски материјали и затоа археолозите не можеле да најдат повеќе докази после толку години.
