Многу луѓе стравуваат од посета на лекар, а уште повеќе кога се работи за кардиолог.
Сепак, експертите велат дека навремената дијагноза помага во поголема мера во зачувувањето на срцето од можни дополнителни оштетувања. Затоа лекарите апелираат еднаш до двапати годишно да посетуваме кардиолог заради превенција, а исто така да внимаваме на одредени симптоми кои често се показател дека нешто не е во ред со здравјето на нашето срце или кардиоваскуларниот систем.
Краток здив
Останувањето без здив е еден од симптомите што може да укаже на проблеми со здравјето на срцето. Лекарите затоа предупредуваат дека во овој случај не треба ни случајно да ја одложуваме посетата на кардиолог. Проблемите со дишењето поврзани со здравјето на срцето често се предизвикани од помала физичка активност, како што се домашни работи или качување по скали.
Болки во градите
Непријатност, притисок или која било друга болка во градите е уште еден симптом кој укажува дека можеби имаме проблеми со здравјето на срцето. Лекарите предупредуваат дека никогаш не треба да го игнорираме чувството на притисок или болка во градите, особено ако тие се појавуваат често или не поминуваат подолго време.