Чистењето на фрижидерот е доста тежок потфат кој често го одложуваме до последен момент. Никогаш не знаете каква храна со поминат рок може да најдете во фрижидерските длабочини, а сигурно не ве радува чистењето на лепливи дамки од теглите џем и сосовите.
За да го олесните чистењето на вашиот фрижидер, еве неколку совети како да ја направите оваа долга и неблагодарна работа полесна и поефикасна.
Двете најчести грешки што ги правиме кога го чистиме фрижидерот се користење на погрешни средства за чистење и крпи или погрешни сунѓери за чистење. Прво, дознајте кој производ навистина може да ви помогне да ги исчистите тврдоглавите дамки од фрижидерот и одберете го оној кој е наменет за ваков вид на чистење. Чистењето треба да го започнете со со меко сунѓерче, а потоа добро е при рака да имате крпа од микрофибер за завршно бришете на полиците.
Крпите од микрофибер се одлични бидејќи не оставаат влакна и без проблем може да се перат во машина за перење. За чистење на фрижидерот можете да користите и испробани и проверени домашни рецепти за чистење како оцет или комбинација од сода бикарбона и вода.
Како добро да се подготвите за чистење на фрижидерот?
Исклучете го фрижидерот. Подгответе чиста површина за чување храна од фрижидерот, а за тоа можете да користите маса или кујнска работна плоча. Исчистете го фрижидерот пред да го исчистите остатокот од кујната, бидејќи може да се случи храната од фрижидерот да остави мрсна или леплива трага на елементите.
Пред да започнете со чистење, подгответе чепкалки за заби или стара четка за заби за да ги исчистите сите тешко достапни места во фрижидерот.
Не заборавајте ги фиоките и вратите. Голема е веројатноста дека во фиоките ќе најдете грозје што сте го пропуштиле или сте заборавиле на лукот што сте го купиле пред три месеци. Отстранете ги полиците и измијте ги во мијалник или во када доколку немате доволно простор во кујната. Додека фиоките и полиците се влажни и се сушат, почнете да го чистите самиот фрижидер.
На крајот, избришете ги сите делови од фрижидерот со сува, чиста крпа за да спречите мувла. Кога ќе биде целосно чист и сув, можете да ставите соодветен мирис во фрижидерот кој ќе собира непријатни мириси, а вашиот фрижидер ќе остане свеж и миризлив подолго време.
