Ликер може да се направи од кое било овошје. Ликерот од смоква ќе има жолтеникава бока, а за да го направите може да употребите свежи или суви смокви.
Овој рецепт може да го приготвите со помош на вотка, ракија или рум.
Ликер од суви смокви:
- 0,5 л вотка
- 100 г суви смокви
- 25 до 150 г шеќер или мед
- 200 мл вода
Начин на подготовка:
Прво измијте ги добро смоквите и исечете ги на помали парчиња, па ставете ги во стаклен сад. Додадете шеќер или мед по желба, не заборавајте дека смоквите се благи па за почеток е добро да ставите помалку шеќер.
Смоквите залејте ги со вотка и ставете ги во затворен стаклен сад на сончево место околу еден месец. Повремено мешајте, без да го отворите садот. По еден месец тргнете го од сонце и процедете го ликерот низ газа.
Пробајте го, ако е потребно додадете шеќер. Ако е доволно сладок само додадете вода по желба за да не биде прејак.
Освен вотка може да ставите рум или ракија.
Ликер од свежи смокви:
- 1 л ракија
- 20 парчиња смокви
- 150 г шеќер
- 300 мл вода
- кора лимон
Начин на подготовка:
Важно е да ги оберете смоквите додека се целосно зрели и веднаш со нив да направите ликер бидејќи се чувствителни, па за неколку дена нема да бидат во состојба за јадење, пред подготовката, исечете ги сите расипани делови. Сварете ги смоквите во вода во која сте го ставиле шеќерот.
Варете додека не добиете густ сируп и додадете кора лимон, по желба. оставете да се олади, па процедете низ газа во шише и додадете ракија или друг алкохол. Убаво протресете и затворете го шишето да стои два дена.
Овој ликер може да стои на темно место и до 3 години без да се расипе.
