Засега станува збор за прототип кој е дел од истражувањето на Škoda насочено кон зголемување на безбедноста на другите учесници во сообраќајот.
Со имплементацијата на системот за асистенција ADAS, автомобилите и вештачката интелигенција преземаат сè повеќе задачи во свои раце, а тоа бара најдобра можна комуникација со другите учесници во сообраќајот.
Така, Škoda разви надворешен информативен екран наместо предната маска, кој може да испраќа јасни пораки до пешаците кога е безбедно да се помине улицата со едноставни анимации.
Маската Crystal Face има екран со анимирана графика кој наскоро би можел да стане реалност, односно во некоја форма да влезе во стандардната понуда на производителот.
Учинокот на тестот можеби не е најконзистентен, но јасно укажува на неговата ефикасност. Кога пешакот ќе види анимација со зелени стрелки и слика на пешак, јасно ќе препознае дека е безбедно да се помине улицата.
Исто така, кога ќе види црвен екран со предупредувачки знак ќе знае дека автомобилот се движи и дека не е безбедно да се помине улицата. Од Škoda веруваат дека овој концепт може значително да го намали бројот на загинати пешаци во сообраќајот.
