Актерката Ема Вотсон беше една од присутните на овогодинешниот Met Gala бал, каде го привлече вниманието со својот елегантен и софистициран изглед и моден избор. Но она што не се гледаше на прв поглед е фактот што нејзината облека е всушност направена од рециклирани материјали.
Вотсон носеше комлет од корсет, панталони и полу-здолниште, од брендот Calvin Klein, дизајн направен во соработка со организацијата Eco Age. Креацијата е целосно направена од рециклирани материјали, поточно од пластични шишиња.
Како што напиша актерката на нејзината Facebook фан-страна, „пластиката е еден од најголемите загадувачи на планетата и фактот што го пренаменивме овој отпад во креација за Met Gala балот, покажува која моќ може да ја имаат креативноста, технологијата и модата ако се комбинираат“.
Годинешната тема на балот беше спојување на технологија и мода, односно што значи модата во ова време на технологија, која Ема Вотсон несомнено ја долови со својот еколошки свесен моден избор.
