Филмот веќе имаше премиера и доби одлични критики.
Netflix објави трејлер за еротскиот трилер Fair Play, во кој главните улоги ги толкуваат Алден Еренрајх, познат по Solo: A Star Wars Story и Oppenheimer, и ѕвездата на Бриџертон, Фиби Дајневор.
Филмот го режираше Клои Домон, која исто така го напиша и сценариото.
Заплетот следи млад пар, Лук (Еренрајх) и Емили (Дајневор), кои се свршени и работат заедно во финансиска институција. Нивната врска почнува да се распаѓа откако и двајцата ќе почнат да се борат за истата позиција во компанијата и да ризикуваат сè за да добијат унапредување на работа.
Fair Play имаше премиера на филмскиот фестивал Санденс во јануари оваа година, по што Netflix ги откупи правата за прикажување на филмот. Некои критичари го споредија филмот со добро познати трилери од 90-тите, а критиките беа главно позитивни.
Покрај Еренрајх и Дајневор, во актерската екипа се и Себастијан де Соуза, Еди Марсан и Рич Сомер. Извршни продуценти се Домон, Ријан Џонсон, Рам Бергман и Анѓелка Влаисављевиќ, а филмот се снимаше во Србија на почетокот на минатата година.
Fair Play ќе има премиера на Newtflix на 13 октомври.