Швајцарскиот тенисер Роџер Федерер изјави дека порано бил вегетаријанец и дека неговиот сонародник Марк Росет го убедил да почне да јаде месо.
„На младинските турнири нема баш најдобро месо во менито на ручек, па не јадев месо до 16 години. Се приклучив на екипата на Дејвис купот во 1998 година и носев вода за екипата на натпреварот против Чешка. Седевме во еден ресторан и порачав ориз и салата. Марк Росет мислеше дека се шегувам. ‘Еј, Роџер, не може во овој ресторан да нарачуваш зелени работи.' И нарача десет мали парчиња на различни видови на месо. Половина од нив беа многу вкусни. Оттогаш јадам месо. Научив и да јадам риба. Не го сакам многу вкусот, но со добри сосови и тоа се смени“, рече Федерер кој е главен фаворит за титулата на Вимблдон.
Иако е во ек на играчката сезона, Федерер откри дека не обрнува многу внимание на тренинзите како порано.
„Не тренирам како порано, а не ни ми треба. Важно е да вежбам на вистински начин за да останам здрав. Најверојатно најмногу мака имам со стомакот“.