Во очи на големото дерби, стратегот на Баерн му реплицираше на Хицфелд кој изјави дека Холанд веќе наликува на полскиот голгетер.
Норвешката ѕвезда брилјираше по доаѓањето во Бундеслигата, но денеска ќе го има најголемиот тест и тоа токму против тимот на Роберт Левандовски со кого легендарниот Отмар Хицфелд го спореди.
Тинејџерот во досегашните 10 бундеслигашки натпревари постигна исто толку голови, но за стратегот на Баерн сѐ уште е рано за било каква споредба со докажаниот полски егзекутор.
„Ова му е само прва сезона и поради тоа многу е рано за да се прави било каква споредба. Сепак, Холанд е огромен талент“, вели Ханси Флик.
„Тој е млад играч, но располага со огромна сила кон голот. Тој едноставно ужива да финишира. Има неверојатна динамика. Тој е алчен, голем е по раст, но и покрај тоа е агилен. Но, не треба да внимаваме само на него“, заврши тренерот на Баерн во изјава за новинарите.
Големото дерби Дер Класикер се игра денеска од 18:30 часот, а Холанд и Левандовски се наоѓаат во почетните 11 на нивните екипи.