Младата фудбалска репрезентација на Македонија до 21 година ремизираше 1:1 во пријателски натпревар против соодветната селекција на Ерменија.
Луан Абази ја доведе Македонија во водство во 30. минута по одличната асистенција на Методи Максимов, кој продре по десната страна.
Ерменија израмни на почетокот на второто полувреме (52. минута). Николас Калукјан откосо од левата страна шутираше и успеа да ја затресе мрежата на Македонија. Аларведјан во 45. минута ја погоди и гредата.
Натпреварот се одигра на тренинг центарот „Петар Милошевски“ на ФФМ, а селекторот Драги Канатларовски им даде шанса на сите повикани фудбалери.