Милијардерот Бил Гејтс во интервју за CNN изјави дека е многу загрижен поради економската состојба во светот. Тој смета дека следи период на забавување на економскиот развој.
Ова го изјави одговарајќи на прашањето како очекува војната во Украина да влијае на глобалната економија во текот на следните неколку години.
„Ова се случува сега, на врвот на пандемијата, кога долговите на државите се многу високи и кога постојат проблеми во синџирот на снабдување. Очигледно е дека забрзувањето на инфлацијата, која веќе постои во богатите држави, и растот на каматните стапки ќе ги стопираат резултатите со забавување на економијата“, вели Гејтс.
Тој нагласи дека постојат аргументи кои се загрижувачки.
Американското Министерство за финансии и централните банки низ земјите ширум светот ги зголемија каматните стапки за да ја ублажат инфлацијата. Поединци сметаат дека растот на каматните стапки е пребрз, дека тоа може да предизвика рецесија.
Банките од Вол Стрит немаат исто мислење за тоа колку економијата ќе биде сериозно погодена од инфлацијата и дека постојат сериозни закани дека инфлацијата е веќе на врвот, пренесе Business Insider.