Ако не знаете што да гледате претстојниот викенд, не барајте понатаму. Корисниците на Netflix составија листа од 11 филмови и серии базирани на вистински приказни кои секој треба да ги гледа.
Листата е составена врз основа на препораките на гледачите собрани во Facebook групата Netflix Bangers. Еве ги избраните наслови.
Овој документарец ја раскажува приказната за 13 тајландски млади фудбалери кои беа заробени во пештерата Там Луанг во 2018 година. За чудо, по неколкудневни обиди за спасување, тимот беше спасен од нуркачи кои со сите сили се бореа да ги доведат на безбедно.
Документарецот, објавен во септември 2020 година, се фокусира на убиството на Шенан Вотс, која била бремена во 15-та недела во моментот на нејзината смрт. Шенан и нејзините две ќерки, четиригодишната Бела и тригодишната Селест, необјасниво исчезнаа во 2018 година во државата Колорадо. Заплетот го следи овој случај откако нејзиниот сопруг Крис Ват првично негираше каква било вмешаност во исчезнувањето на Шенан.
Минисеријата When They See Us е заснована на приказната за група тинејџери кои беа погрешно обвинети за напад и силување жена во Њујорк во 1989 година. Антрон Мекреј, Кевин Ричардсон, Јусеф Салам, Рејмонд Сантана и Кореј Вајс, сите на возраст од 14 и 16 години, служеа затворска казна за инцидентот до 2002 година, кога ДНК доказите не го потврдија серискиот силувач Матиас Рејес за сторител на делото.
Следна на листата е Mindhunter, серија која се заснова на вистинска криминална книга за елитната единица за сериски злосторства на ФБИ која осмислува психолошко профилирање за да помогне во фаќањето сериски убијци. Режисери на серијата се Џон Е. Даглас и Марк Олшејкер, а главните улоги ги толкуваат Џонатан Гроф, Холт Мекалани и Ана Торв.
Серијата The Spy е за израелскиот шпион Илај Коен кој се инфилтрирал во сириската влада во 60-тите. Саша Барон Коен го игра Илај, чија работа го обликувала Блискиот Исток каков што го знаеме денес.
Inventing Anna е минисерија од девет епизоди која истражува како измамничката Ана Делви успеа да ја измами елитата на Њујорк. Серијата со Џулија Гарнер во главната улога, е приказната заснована на написот на Џесика Преслер од 2018 година во списанието New York.
Серијата Unbelievable е инспирирана од вистинските настани на една млада жена обвинета дека лажела за силување. Се заснова на написот An Unbelievable Story Of Rape, добитник на Пулицерова награда.
Минисеријалот од 2017 година е заснован на наградуваниот роман на Маргарет Атвуд. Приказната е сместена во 1843 година и ја раскажува приказната за Грејс Маркс, ирска имигрантка и слугинка која живее во Канада и е обвинета и осудена за убиство на нејзиниот работодавец и куќна помошничка.
Оваа серија за колумбискиот нарко картел има три сезони, од кои првата го документира животот на Пабло Ескобар од моментот кога почнал да произведува кокаин, па сè до раните 90-ти. По успехот на Narcos, излезе серијата Nrrcos: Mexico, која го следи подемот на картелот Гвадалахара.
Џена Колман и Ели Бамбер глумат во серијата базирана на вистинската приказна за злогласниот Бикини убиец, Чарлс Собхраџ. Тој е поврзан со повеќе од 20 убиства во Југоисточна Азија помеѓу 1972 и 1982 година.
Monster: The Jeffrey Dahmer Story ја раскажува приказната за еден од најсуровите сериски убијци во Америка, Џефри Дамер, кој уби 17 мажи и момчиња помеѓу 1978 и 1991 година. Злогласниот сериски убиец и сексуален предатор ги убивал своите жртви во период од 15 години во текот на 70-тите, 80-тите и 90-тите години. На крајот беше осуден за 16 убиства.