Најдобриот тенисер во светот, Новак Ѓоковиќ, зборуваше за плановите за крајот на сезоната, но и на теми поврзани со вакцинацијата.
„Засега планирам да играм во Париз, завршниот Мастерс во Торино и Дејвис купот. Тоа е мојот распоред до крајот на сезоната. Треба да бидам во Белград до крајот на неделата, а потоа една недела пред натпреварот во Берси ќе ја напуштам Србија за да се посветам на тренинзите и подготовките. Засега, дефинитивно ќе бидам во Белград до крајот на неделата бидејќи децата овде одат на училиште и роденденот на Стефан е за неколку дена, па затоа ќе го прославиме овде со семејство“, рече Ѓоковиќ во интервју за Blic.
Ситуацијата во врска со Австралија Опен е сѐ уште најјасна, а доаѓаат информации дека сите учесници би требало да исполнат одредени услови.
„Ја следам ситуацијата околу Австралија и колку што разбрав конечната одлука на австралиската влада и Тенис Австралија ќе биде за две недели, така што е првата или втората недела од ноември. Не верувам дека условите ќе се променат многу во споредба со она што веќе го знаеме. Ќе има многу ограничувања. Она што го слушнав од мојот менаџер кој е во директен контакт со луѓе од Федерацијата на Австралија е дека се обидуваат да ги подобрат условите за сите. И оние кои се вакцинирани и оние кои не се“.
Новак вели дека искуството од оваа година не е најдобро, а изрази и жалење бидејќи тенисерите ги прифаќаат сите услови што им се поставени.
Исто така, тој не може со сигурност да каже дали ќе оди во Австралија или не.
„Јас го заземам ставот што го заземам и отсекогаш исто сум размислувал. Не сакам да го откријам мојот статус дали се вакцинирав или не. Тоа е приватна работа и според нашиот закон, кој и да ве праша, можете да го гоните бидејќи ве прашал. Тоа е неумерено прашање. Премногу луѓе денес си дозволуваат таква слобода да прашуваат работи и да осудуваат. Што и да одговорите: ‘Да, не, мжеби, не знам, размислувам’, ќе го злоупотребат тоа“, рече Ноле, меѓу другото.
Конечно, тој зборуваше за следната сезона.
„Реков и пред оваа година дека мојата главна цел е да го постигнам тој историски број еден, што и сум, и дека мојот главен фокус е да ја продолжам кариерата за да играм што е можно подобро на Грен слем турнирите и да играм за националниот тим. Тоа ми се главните мотивации. Сите останати турнири во овој дел од кариерата ми се помалку важни и се само подготовка или за репрезентативен тенис или за Грен слем“, заклучи Ѓоковиќ.
