Кошаркарите на Голден Стејт Вориорс дојдоа на чекор до освојување на титулата во НБА лигата откако поведоа во големото финале против Бостон со 3:2 во партии.
Вориорс ја искористија предноста на домашниот терен на „Чејс Сентр“ арената каде пред 18-илјадната публика победија со 104:94 добивајќи го петтиот натпревар, па сега им треба само уште една победа за титулата.
Стеф Кари не беше на своето ниво кога беше во прашање шутот, па ги промаши сите 9 обиди за тројка и постигна само 16 поени, но неговиот напад во нападот го надоместија Ендрју Вигинс со дабл-дабл учинок од 26 поени и 13 скока, како и Клеј Томпсон со 21 поен.
На другата страна единствен на своето ниво беше Џејсон Тејтум кој натпреварот го заврши со 27 поени и 10 скокови, но тоа не беше доволно за победа.
Бостон ќе биде домаќин на следниот натпревар кој се игра ноќта од четврток кон петок. Ако Голден Стејт слави ќе стане шампион, а ако триумфира Бостон ќе се игра мајсторка во која Вориорс ќе бидат домаќини ноќта од понеделник кон вторник.
