Уникатните снимки доаѓаат од кадри со возбудливи бркотници, но и некои работи со кои научниците и морските биолози не беа запознаени. Имено, снимено е дека и тие ловат и јадат отровни змии.
Американската морнарица неодамна одлучи да прикачи камери на делфини обучени да помагаат да се идентификуваат подморничките мини и да се заштитат американските нуклеарни резерви. Потоа истите делфини ги пушти во заливот Сан Диего. Познати по својата интелигенција, тие и овој пат не разочараа.
Камерите прикачени на грбот на шест клунести делфини од американската Национална фондација за морски цицачи снимија куп видео и аудио записи во период од шест месеци. Иако овие делфини не се сметаат за диви животни, и претходно им беше дозволено да ловат на отворен океан. И како што во својот труд објасни ветеринарот Сем Риџвеј од фондацијата, претпоставката беше дека тие користат слични техники на лов на нивните слободни роднини.
„Додека делфините ловеа, тие постојано кликнуваа во интервали од 20 до 50 милисекунди“, напиша тој. Со понатамошна анализа на видео и аудио снимките, Риџвеј и неговите колеги забележале дека при приближувањето до пленот, кликовите станувале пократки и се претворале во брмчење, а потоа и лелекање. Во контакт со рибата, зуењето и чкрипењето биле речиси постојани додека рибата не била проголтана.
Откриено е и дека делфините уловиле повеќе од 200 риби, меѓу кои и ловракии, морски коњчина и други. Сепак, научниците забележале дека покрај различните техники на избегнување и камуфлажа што ги користат некои риби, делфините го следат секое нивно движење додека пливаат наопаку за да имаат што појасна идеја каде е пленот.
„Се чини дека делфините користат и вид и звук за да најдат плен“, објаснува Риџвеј. Тој додава дека секогаш користеле ехолокација на далечина, додека во моментите кога се приближувале до пленот го користеле и сетилото за вид. Камерите открија и дека наместо да го 'набиваат' пленот, тие користат техника на вшмукување за полесно да го проголтаат својот плен кој сѐ уште се бори. Овој метод бил изведен така што рибата ја вовлекувале од страна додека устата ил била ширум отворена, а мускулите на грлото проширени и јазикот вовлечен.
Делфините претходно биле снимени како си играат со змии, вклучително и видови кои живеат во реките. Сепак, овие снимки за прв пат потврдуваат дека навистина ги јадат овие влекачи и тоа многу често, бидејќи еден од делфините консумирал дури 8 отровни жолти морски змии - Hidrophis platurus, без да покаже ниту еден знак дека е поради тоа не се чувствува добро.
Во својот труд научниците објаснуваат како снимките им овозможиле подобро да ги разберат техниките на лов на делфините, како и нивната меѓусебна комуникација. Тие додаваат дека делфините во морнарицата се слободни да пливаат речиси секој ден на отворени води, но им се дава можност да заминат ако сакаат, иако такви случаи досега биле исклучително ретки.
Истражувањето е објавено во PLOS One.
