Додека трае војната во Украина, толку траат и шпекулациите за здравјето на рускиот претседател Владимир Путин.
Странските медиуми пишуваа дека тој има Паркинсонова болест, рак на тироидната жлезда и дека се лекува со стероиди, а британски Daily Mail денеска објави текст во кој новинарите уште еднаш се занимаваат со оваа тема.
Тие ја анализираа средбата меѓу Путин и неговиот кубански колега Мигел Дијаз-Канел, кој пристигна во Москва, каде синоќа го отвори споменикот на Фидел Кастро.
На состанокот Путин со левата рака грчевито се држеше за потпирачот на столицата, додека нервозно мрдаше со нозете. Десната рака исто така постојано му се мрдаше.
Путин денеска се сретна со олигархот Дмитриј Мазепин. Седнаа еден спроти друг на голема дрвена маса. И повторно Путин цврсто се држеше, овојпат со десната рака.
Од Русија ги отфрлаат шпекулациите за лоша здравствена состојба на Путин.
