Поголемиот дел од граѓаните на Грција сметаат дека сите туристи кои влегуваат во земјата треба да бидат тестирани за COVID-19.
Според истражувањето што го спроведе ALCO, 89% од испитаниците рекле дека се загрижени за епидемиолошката состојба и сметаат дека сите туристи треба да се тестираат, а не тоа да се прави по случаен избор при влез во земјата, како што најави Владата.
Само 8% рекле дека се против тестирања, а 3% одговориле со „не знам/немам одговор“.
Резултатите од анкетата за испитување на јавното мислење исто така покажа дека мнозинството Грци сметаат дека „многу влади ги укинуваат рестриктивните мерки многу порано отколку што требало и дека економијата ја ставаат пред здравјето на граѓаните“.
Дури 75% од испитаниците рекле дека се согласуваат со оваа изјава, 15% рекле дека не се согласуваат, а 10% одговориле со „не знам/немам одговор“.
Сепак, резултатите покажуваат дека пандемијата не е најважниот проблем со кој се соочуваат Грците.
49% од испитаниците рекле дека најголем проблем им е невработеноста, а 15% најмногу ги загрижува коронавирусот.
