И покрај многубројните критики за фризурата на францускиот голгетер, тој одбива да го промени својот имиџ.
Дури и клубот Барселона да побара од него да ја потстрижи косата, Антоан Гризман вели дека нема да го стори тоа.
Гризман негува долга коса во најголемиот дел од својата кариера, а откако пристигна во Барса летото 2019 ја нема воопшто шишано. Постојано менува фризури со својата долга коса, во зависност од тоа со ваква должина му е, а некогаш ја носи и во репче.
Бидејќи 29-годишниот Французин не е во форма веќе некое време, симпатизерите на Барселони почнаа да бараат разно-разни причини за неговиот пад, а виновникот го пронајдоа во неговата бујна долга коса.
„Ќе ја задржам долгата коса дури и клубот да побара од мене да ја потстрижам. Моите деца и сопругата сакаат да ја задржам“, изјави Гризман на гостувањето во емисијата „Universo Valdano“ кај легендарниот фудбалер Хорхе Валдано.
„Од моето доаѓање во Барселона, јас не зборувам многу. Тогаш реков дека сакам да зборувам само на терен, не јавно. Во последно време се справувам со разно-разни коментари и веќе ми дојде преку глава. Време е да се страви крај“, одлучно вели тој.
Французинот сезонава во Ла Лига на 8 натпревари има постигнато само 2 гола на кои додаде и само една асистенција, што е премалку, па оттаму и нападите од суеверните навивачи.