Ѓубрето од Аеродром и Кисела Вода што синоќа со помош на механизација од други градови беше собрано од овие општини, заврши фрлено пред Дрисла.
Градоначалниците на Кисела Вода и Аеродром, Орце Ѓорѓиевски и Тимчо Муцунски, кажаа дека одлуката да се самоорганизираат за собирање на ѓубрето од улиците на овие општини била донесена за да се спасат граѓаните од зараза. Комуналците веќе три дена бојкотираат, а ѓубрето се излева од контејнерите.
Градоначалниците, сепак, беа спречени да го истоварат ѓубрето на депонијата.
Откако по повеќе од 1 час не успеаја во намерата, укажаа дека имаат две опции – или да го вратат во Скопје на улиците или да го остават пред Дрисла.
Ја избраа втората, по што отпадот беше истурен пред оградата.
Арсовска која не сака ниту да го собира, ниту да го одлага, може да го истури во депонијата, велат градоначалниците.
