И Франција и Италија ја запираат употребата на вакцината против коронавирусот на компанијата AstraZeneca, приклучувајќи им се на листата европски држави кои тоа го сторија претходно – Германија, Холандија, Ирска и Данска, јави DPA.
Францускиот претседател Емануел Макрон денеска изјави дека вакцинацијата ќе престане сè додека Европската агенција за лекови (ЕМА) не спроведе нова проценка за тоа дали постои некаква врска меѓу вакцината и пријавените случаи за појава на тромб.
Макрон постапката ја нарече „мерка на претпазливост“ и додаде дека постои можност вакцинациите набрзо да продолжат.
Италијанскиот регулатор на лекови AIFA, исто така, прекинот на вакцинацијата со оваа вакцина низ целата земја го нарече „мерка на претпазливост“.
AstraZeneca вчера соопшти дека нема докази дека нивната вакцина против COVID-19 го зголемува ризикот од згрутчување на крвта, пренесе DPA.
Читајте следно: Германија ја прекинува употребата на вакцината на AstraZeneca
