Мултимилијардерот Илон Маск има 11 деца со три различни жени, а сега една од нив одлучи да го тужи. Таа се пожали на својот поранешен партнер на платформата Х, која е во сопственост токму на на Маск.
Имено, пејачката Грајмс, со која Маск има три од единаесетте деца, на 29 септември поднела барање до Калифорнискиот суд за воспоставување на родителски односи.
Според Page Six, кој дознал за приказната, намерата на ова барање е судот законски да ги определи родителите на децата, што се прави во случаи кога партнерите не биле во брак кога ги добиле.
Ова барање од Грајмс доаѓа само неколку недели откако таа јавно побара на неговата платформа X дозвола да го види нивниот син.
„Кажите ѝ на Шивон да ме деблокира и кажете му на Илон да ми дозволи да се видам со син ми или да го молам да му одговори на мојот адвокат“, напиша Грајмс откако новата партнерка на Маск, Шивон Зилис, со која има близнаци, објави фотографија од неговите деца на истата платформа.
„Никогаш до сега не ми беше дозволено да видам фотографија од овие деца, иако целата оваа ситуација го распарчува моето семејство“, додаде Грајмс во објавата која подоцна ја избриша.
Не долго после тоа, таа повторно објави дека стапила во контакт со новата партнерка на Маск, Шивон.
„Конечно има долгиот разговор со Шивон кој предолго се одложуваше. Ова не е нејзина вина, ве молам немојте да се лутите на неа! Имаме голема почит една кон друга и возбудени сме што ќе бидеме пријателки и нашите деца ќе пораснат заедно“, порача Грајмс.