„Илон Маск сака пари и лудило“, пишува на почетокот на текстот на британскиот Daily Mail во кој се наведува дека еден од најбогатите луѓе во светот би можел да го купи Манчестер Јунајтед и да стане сопственик на англискиот фудбалски гигант.
„Исто така, му се допаѓа Манчестер Јунајтед како клуб“, се наведува со информацијата дека овој милијардер внимателно ја следи ситуацијата во Манчестер Јунајтед и може да стане главен фаворит за купување на тимот од „Олд Трафорд“.
Крајниот рок за поднесување официјална понуда истекува овој петок, па се поставува прашањето дали Маск ќе направи голем пресврт и ќе го купи, како што многумина велат, најголемиот клуб во светот.
Daily Mail се повикуваат и на некои нивни претходни написи, во кои наведуваат дека има значително повеќе од пет заинтересирани купувачи за Манчестер Јунајтед, меѓу кои и милијардери од Саудиска Арабија и Катар, како и некои други светски организации.
Манчестер Јунајтед моментално е во сопственост на американското семејство Глејзер, кое е на чело на клубот од „Олд Трафорд“ веќе 17 години и се соочува со тешки критики од навивачите.
Меѓу фаворитите, иако неговото богатство е значително помало од она на Маск, е британскиот милијардер и бизнисмен Сер Џим Ретклиф.