Најавено - остварено! Instagram ја укина Swipe-up опцијата во Story објавите.
Социјалната мрежа Instagram доби огромна популарност со копирање од апликацијата Snapchat, која тимот на Facebook ја нарече Story.
Во објавите на Story, особено популарна опција беше Swipe-up, т.е. пристап до содржината зад приказната со влечење и посета на одредена интернет адреса, која сега е укината.
На глобално ниво укинувањето на Swipe-up опцијата на Instagram почнс на 30 август, но промените за корисниците во регионов се видливи последниве неколку денови, во средината на септември, откако апликацијата доби ажурирање.
Повлекувањето нагоре е заменето со стикер, или сликичка или стандарден бел меур на дното на страницата со врска, која ги повикува корисниците да кликнат на неа. Важно е да знаете дека пристапот до врската, наместо Swipe-up може да изгледа различно, во зависност од тоа како сопственикот на профилот, т.е. страниците ќе го направат.
Корисниците на тој начин ќе имаат можност да закачат стикер или сликичка каде сакаат во Instagram приказната и да ги користат за посета на надворешна врска. Со промена на Swipe-up во сликички, компанијата сака да им даде поголема контрола на креаторите на содржини во нивните приказни, но и да ја освежат мрежата на Instagram и да ја направат поинтересна и помалку униформирана.
