Netflix конечно објави тизер трејлер за продолжението на серијата „That ‘70s Show“.
Истиот подрум, истиот пар Форман, но сосема нова деценија и генерација.
Netflix денеска го објави тизер трејлерот за That ’90s Show, долго очекуваното продолжение на популарната ситком серија That ‘70s Show.
Новата серија ги враќа Куртвуд Смит и Дебра Џо Руп како омилениот пар Ред и Кити, овојпат како дедо и баба кои ќе се справуваат со нова генерација тинејџери кои голем дел од времето ќе поминуваат во нивниот дом во Поинт Плејс, Висконсин.
Основната структура на That ‘70s Show останува главно недопрена, дури и ако ѕвездите Ештон Качер, Мила Кунис, Лора Препон, Тофер Грејс и Вилмер Валдерама од оригиналната серија ќе се појават само во една од десетте епизоди на новата серија.
Подмладокот во That ’90s Show го сочинуваат Кали Хаверда како внуката Леа Форман, заедно со идните ѕвезди Ешли Ауфдерхајд, Максвел Донован, Мејс Коронел, Рејн Дои, Сем Морелос и Андреа Андерс.
Новата серија е дело на креаторите на оригиналната, Бони и Тери Тарнер, овојпат со ќерка им Линдзи Тарнер, заедно со извршниот продуцент Грег Метлер.
That ’90s Show ќе биде премиерно прикажана на Netflix на 19 јануари 2023 година.
