Човечките гласови предизвикуваат значително повеќе страв кај цицачите отколку гласот на лавовите, покажа студијата спроведена во Јужна Африка.
Научниците пуштале снимки од нормален човечки говор преку звучници скриени во дупки со вода во Националниот парк „Кругер“, а 95% од животните биле крајно исплашени и брзо избегале. За споредба, снимките од лавови кои рикаат многу помалку ги исплашиле животните.
Човечкиот говор што научниците го пуштале преку звучниците ги вклучувал локалните јазици што се зборуваат во земјата. Некои слонови, откако ги слушнале звуците на лавовите, се обиделе да го најдат изворот на звукот и да се соочат со него.
Животните како антилопи, слонови, жирафи, леопарди и брадавичестите свињи научиле дека контактот со луѓето е исклучително опасен, а причините се ловот, односно употребата на оружје и ловечките кучиња за нивно ловење.
Стравот покажува глобален модел според кој животните се плашат од луѓето повеќе од кој било друг предатор.
Авторите на студијата забележуваат дека ова претставува предизвик за областите кои се потпираат на туризмот поврзан со дивиот свет, бидејќи туристите несомнено ги плашат животните што сакаат да ги видат.
Истражувањето го отвора потенцијалот за заштита на ранливите видови во овие екосистеми. Човечките звуци, кога се користат соодветно, можат да помогнат во борбата против ловокрадството.