Disney+ пушти нов трејлер за серијата која ќе почне со емитување на крајот на месецов.
По Obi-Wan Kenobi, светот на „Star Wars“ наскоро ќе добие нова серија. Се работи за „Andor“, приказна чие дејство е сместено пред дејството во филмот „Rogue One“ од 2016 година. Приказната го следи бунтовникот шпион Касиан Андор во петте години пред дејството во „Rogue One“.
Улогата на Андор ја репризира Дуего Луна, а повторно ќе се појават и Џеневив О'Рајли, Стелан Скашгорд, Адриа Архона, Дениз Гаф, Кајл Солер и Фиона Шо.
Lucasfilm најави посебна серија за Андор уште во ноември 2018 година, а снимањето почна во ноември 2020.
Првите две епизоди ќе бидат емитувани на Disney+ на 31 август, а потоа секоја среда до 9 ноемви ќе оди по една епизода. Првата сезона брои вкупно 12 епизоди. Lucasfilm и Disney+ веќе работата на втората сезона која треба да има исто така 12 епизоди и да биде последна за ликот на Андор.