Кошаркарите на Милвоки Бакс го совладаа Бруклин Нетс во Њујорк со 120:119 по продолженија, а најголема заслуга за славењето на актуелниот шампион во НБА има Јанис Адетокунбо.
Нетс подобро го отворија натпреварот и поведоа по првата четвртина, но потоа Бакс се разбудија, ја намалија разликата и на полувремето резултатот беше 60:56.
Гостите потоа го свртеа резултатот пред последниот дел, во кој се играше кош по кош, па не чуди што натпреварот отиде во продолженија. Шампионите таму подобро се снајдоа и победија за еден поен.
Инаку, Адетокунбо најпрвин постигна тројка за продолженија на 18 секунди пред крајот на последната четвртина, а потоа и го докрајчи Нетс. Постигна вкупно 44 поени со 14 скока и стана најдобар стрелец во историјата на Бакс, надминувајќи го легендарниот Карим Абдул-Џабар.
Најдобри кај Нетс беа Кевин Дурент со 26 и Кајри Ирвинг со 25 поени, додека Брус Боувен натпреваротот го заврши со 23 поени.
Од синоќешниот натпревар, вреди да се напомене дека Јута на домашен терен го победи ослабениот Лејкерс со 122:109, а натпреварот го одбележа враќањето на паркетот на хрватскиот кошаркар Бојан Богдановиќ.
Имено, тоа му беше прв натпревар по 12 март, откако се опорави од повредата на листот, а со шут од игра 4-11 постигна 11 поени, 3 скока и 5 асистенции. Јута до победата ја предводеше Донован Мичел со 29 поени, а најефикасен кај Лејкерс, кои играа без повредениот Леброн Џејмс, беше Расел Вестбрук со 24 поени.
Резултати:
Детроит Пистонс - Филаделфија 76ерс 102:94
Атланта Хокс - Кливленд Кавалирс 131:107
Бруклин Нетс - Милвоки Бакс 119:120
Чикаго Булс - Лос Анџелес Клиперс 135:130
Јута Џез - Лос Анџелес Лејкерс 122:109
Табела:
