Кошаркарите на Хјустон Рокитс ја продлабочија кризата на актуелните шампиони Денвер Нагетс откако ноќеска славеа убедлива победа со 105:86.
На Денвер не им помогна ниту најдобрата поентерска партија на Никола Јокиќ од почетокот на сезонава. Српскиот центар постигна речиси половина од поените на Денвер.
Денвер против Хјустон го забележа петтитот пораз во последните седум натпревари. Во исто време Хјустон стави крај на серијата од три порази.
Јокиќ го заврши најдобриот поентерски натпревар од почетокот на сезонава со дабл-дабл учинок од 38 поени (14/31 шут од поле, 3/9 за три), 19 скока и 8 асистенции.
Српскиот кошаркар немаше вистинска поддршка од соиграчите, само Кентавиус Калдвел-Попа имаше 20 поени со 5 скока, а Мајкл Портер Џуниор постигна 14 поени со 7 скока.
Целосно потфрли и клупата на Нагетс кои постигнаа само 10 поени.
Хјустон беше предводен од Џејлен Грин со 25 поени, а одлична улога имаше Алперн Шенгун со дабл-дабл од 21 поен, 15 скока и 8 асистенции.
Резултати:
Орландо Меџик - Бостон Селтикс 113:96
Мемфис Гризлис - Феникс Санс 89:110
Њујорк Никс - Мајами Хит 100:98
Торонто Репторс - Чикаго Булс 121:108
Хјустон Рокитс - Денвер Нагетс 105:86
Индијана Пејсерс - Детроит Пистонс 136:113
Милвоки Бакс - Вашингтон Визардс 131:128
Минесота Тимбервулвс - Сакраменто Кингс 111:124
Голден Стејт Вориорс - Сан Антонио Спарс 118:112
Лос Анџелес Клиперс - Њу Орлеанс Пеликанс 109:116
Табела:
