Центарот на Денвер, Никола Јокиќ, по којзнае кој пат во својата досегашна кариера го направи она што никој во НБА не го направил.
Неговиот 87. трипл-дабл во кариерата во победата против Лос Анџелес Лејкерс испиша нови страници во најсилната кошаркарска лига во светот.
Српскиот кошаркар во победата над Лејкерс постигна 14 поени, 16 асистенции и 11 скока. Веќе навикнавме на вакви игри од Јокиќ, но според еден параметар не беше како другите.
Јокиќ беше без промашување (5/5 од поле, 1/1 за три) и со тоа стана првиот играч кој постигнал трипл-дабл со стопроцентен успех од упатените удари.
Така, тој му помогна на Денвер да дојде до 11-та последователна победа на домашен терен и најдолга серија по 2018 година.
