Тренерот на Манчестер Јунајтед, Ралф Рангник, денеска соопшти дека Пол Погба поради повреда ќе отсуствува од теренот најмалку четири недели и речиси е сигурно дека ќе го пропушти остатокот од сезоната.
Погба, чиј договор со Јунајтед истекува во јуни, се повреди во вторникот вечерта за време на натпреварот против Ливерпул (0:4).
„Мислам дека нема повторно да се враќа на теренот. Лекарот ми рече дека неговата рехабилитација ќе трае најмалку четири недели, а имајќи предвид дека последниот натпревар е на крајот од мај, тој веројатно нема да се врати на терен до крајот на сезоната“, изјави Рангник.
Јунајтед во последниот натпревар од сезонава во Премиер лигата ќе му гостува на лондонски Кристал Палас на 22 мај.
