Јужнокорејскиот претседател Мун Јае Ин се заложи за забрана на консумација на кучешко месо во неговата земја, традиција која го згрозува светот.
Кучешкото месо е традиционален дел од јужнокорејската кујна и се верува дека во оваа земја годишно се јадат милион кучиња.
Консумацијата меѓутоа е во пад бидејќи се повеќе луѓе ги прифаќаат кучињата како миленичиња. Меѓу младите генерации јадењето кучешко месо е скоро табу, а расте и притисокот од друштвата за заштита на животните.
„Не е ли време да ја разгледаме забраната за консумација на кучешко месо?“, го праша Мун премиерот Ким Бу Кјум во текот на редовниот неделен состанок.
Јужна Кореја има закон против насилство врз животни, но тоа се однесува на начинот на кој ги усмртуваат, а не на самата консумација.