Прославата на новогодишната ноќ во градовите низ светот привлече голем број луѓе на улиците и на плоштадите, со спектакуларни огномети.
За многумина ова е прв дочек во последните три години, откако прославите се без ограничувања поради пандемијата.
Велика Британија ја дочека Новата година со огномет над реката Темза, со кој ѝ оддаде почит на покојната кралица Елизабета Втора. Многумина присуствуваа на новогодишните прослави во Единбург, кој претходно беше изгласан за најдобра локација за дочек на 2023 година.
Спектакуларни сцени од новогодишната ноќ доаѓаат и од Берлин. Новата година во Германија започна со неверојатен огномет над Берлин.
Пред одбројувањето и огнометот што започна на полноќ, парижаните и туристите се собраа на Шанзелизе за да уживаат во музичката програма. Новогодишниот огномет се врати по пауза од две години.
Њујорк традиционално ја дочека Новата година на Тајмс Сквер. На полноќ на Тајмс Сквер беше пуштена песната на Френк Синатра „New York“. Точно на полноќ, низ Тајм Сквер одекна громогласен аплауз.
Ниту студеното време и снегот не ја расипаа новогодишната еуфорија што доминираше на Тајмс Сквер.
