Пролетта ја обележуваат промени, новитети во трендовите и освежувањата, како во гардеробата, така и во светот на стајлингот и фризурите.
Претстојната сезона ќе ја одбележи т.н исфениран боб, фризура која беше во тренд во 90-тите. Сепак, оваа фризура ни доаѓа во уште подобро, пософистицирано и елегантно издание.
Комбинирајќи две популарни фризури – фен фризура и класичен боб, добивате шик изглед.
И додека во 2020 и 2021 година ги означија „несредените“ фризури и лежерните пунџи, во 2022 година акцентот беше ставен на елеганцијата и сјајот со оваа нова фризура.
Волуменот доаѓа до израз, па време е пеглата за коса да ја замените со четка со која ќе го постигнете WOW ефектот.
Пред да ја поделите косата на неколку делови за фенирање, нанесете масло до врвовите по должина. Четкајте прамен по прамен користејќи тркалезна четка за волумен и фен за коса. За да постигнете „процрачен“ ефект, стилизирајте ја косата нанадвор од лицето.