Брзото темпо на живеење, набиените распореди и домашните обврски се фактори што придонесуваат да не спиете доволно или квалитетно.
Хроничната ненаспаност може да се одрази на здравјето, концентрацијата и сексуалниот живот, како и на вашиот изглед.
Експертите советуваат како да ги смените вашите навики за да се наспиете квалитетно и здраво и тоа ќе се одрази на вашата кожа. Шест часа квалитетен непрекинат сон се доволни за да се разбудите наспани.
Наместете аларм
Не станува збор за аларм за будење, туку аларм што ќе ве потсети дека е време да си легнете и да почнете полека да го забавувате организмот. Ова ќе ви помогне да развиете рутина на легнување на спиење што ќе резултира со здрави навики и редовен сон.
Спијте на грб
Спиењето на грб е важно ако сакате да се разбудите свежи. Со спиењето на страна вршите притисок на лицето, што го забрзува распаѓањето на колагенот и води до видливи линии на лицето и создавање брчки.
Електронски мрак
Оставете го мозокот навистина да се одмори. Исклучете ги сите екрани, монитори и електронски уреди, од телевизор, таблет, лаптоп до смартфон. Светлото од екраните го попречува првиот сон или т.н. златни часово во кои телото го зголемува лачењето на хормоните што го зајакнуваат организмот.
Средете ја собата во која спиете
Нередот може да ви предизвика стрес додека се обидувате да заспиете, што го активира лачењето на кортизолот, а тој пак го уништува колагенот, главниот хормон одговорен за еластичност на кожата. Претворете ја собата во која спиете во место што ќе ве смири и во кое лесно ќе потонете во сладок сон.
Хидратација
Одржувањето на новото на хидрираност на организмот е нешто на кое треба да звнимавате во текот на целиот ден. За здрав сон, а со тоа и здрава кожа, важно е да му овозможите на телото доволно хидратација, но немојте да пиете многу течности непосредно пред спиење. Исто така, ако пиете алкохол на вечерно излегување, не заборавајте со секоја чашка алкохол да испиете чаша вода.
